கார் கவிழ்ந்து சிறப்பு போலீஸ் பிரிவு எஸ்.பி. காயம்

கோவில்பட்டி அருகே, போலீஸ் கார் விபத்துக்குள்ளானதில், எஸ்.பி., உட்பட இருவர் காயமடைந்தனர். 

நெல்லை மாவட்டம் மணிமுத்தாறு சிறப்பு போலீஸ் பிரிவு எஸ்.பி.,யாக பணியாற்றி வருபவர் ராஜசேகரன். இவர், சென்னையில் நடந்த துறை ரீதியான கூட்டத்தில் கலந்து கொண்டுவிட்டு, பொலீரோ காரில், மணிமுத்தாறு சென்று கொண்டிருந்தார். காரை டிரைவர் கார்த்திக்பாபு ஓட்டி வந்தார். 

இரவு 7.30 மணிக்கு, சாத்தூர் அருகே என்.வெங்கடேஷபுரம் விலக்கு நெடுஞ்சாலையில் வந்த போது, கார் கட்டுப்பாட்டை இழந்து, ரோட்டில் கவிழ்ந்தது. ராஜசேகரன் எஸ்.பி., மற்றும் கார் டிரைவர் இருவரும் காயமடைந்தனர்.  காயமடைந்த இருவருக்கும் கோவில்பட்டி அரசு மருத்துவமனையில் முதலுதவி சிகிச்சை அளிக்கப்பட்டது. 

பின்னர், மேல் சிகிச்சைக்காக இவர்கள், மதுரை அப்பல்லோ மருத்துவமனைக்கு கொண்டு செல்லப்பட்டனர். விபத்துக் குறித்து சாத்தூர் தாலூகா போலீசார் விசாரித்து வருகின்றனர்.